Movies like a millionaires first love

Հյուն Բին (հանգըլ՝ 현빈, ի ծնե Կիմ Տեպյոն (հանգըլ՝ 김태평, սեպտեմբերի 25, 1982(1982-09-25), Սեուլ, Հարավային Կորեա), հարավկորեացի դերասան և մոդել։ Հայտնի է «Միլիոնատիրոջ առաջին սերը», «Ես շատ երջանիկ եմ» ֆիլմերից և կորեական սերիալներից (դորամաներից)՝ «Իռլանդիա», «Իմ անունը Կիմ Սամ-Սուն է», «Ձյունե թագուհի», «Աշխարհը, որտեղ նրանք ապրում են», «Ընկեր, սա է մեր լեգենդն է», «Խորհրդավոր այգին»։

Հյուն Բինը իր ավագ եղբոր հետ ծնվել և մեծացել է Հարավային Կորեայի Սեուլ քաղաքում։ Ավագ դպրոցից նա երազում էր դառնալ հայտնի դերասան։ Նա թատերական խմբակ էր հաճախում՝ ձևացնելով, որ գրադարան է գնում։ Երբ դա հայտնի դարձավ, նրան արգելեցին հաճախել այդ պարապմունքներին։ Շուտով նրա ծնողները հանձնվեցին, սակայն պայման դրեցին, որ նա պետք է կրթություն ստանա Չհոն Ան համալսարանի թատերական ստուդիայում։ Հյուն Բինը 2004 թվականին ավարտեց համալսարանը։